SHEESHE SE BANI EK LARKI

 

SHEESHE SE BANI EK LARKI..

Sheeshay se bani ek larki
Patthar ke nagar mein aayi
Woh dhoond rahi thi moti
Aur patthar se takraayi
Sheeshay se bani ek larki
Patthar ke nagar mein aayi

Sheeshay se bani yeh larki
Is baat se hai anjaani
Jab rait chamakti hai to
Lagti hai door se paani
Yeh phool hain sab kaaghaz ke
Lekin woh samajh na paayi

Sheeshay se bani ek larki
Patthar ke nagar mein aayi
Woh dhoond rahi thi moti
Aur patthar se takraayi

Sheeshay se bani larki se
Keh do ke na baad mein rona
Kuch log hain jo peetal ke
Kehte hain woh khud ko sona
Yeh jhoot ka pul tootega
Aur gehri hai gham ki khaayi

Sheeshay se bani ek larki
Patthar ke nagar mein aayi
Woh dhoond rahi thi moti
Aur patthar se takraayi

NAZAM

 Hum aksar ye samjhtay hain
jisay hum piyaar kartay hain
usay hum bhool bethay hain
magar aisa nahi hota
muhabbat daaimi sach hai
muhabbat thehar jati hai
hamari baat k andar
muhabbat beth jati hai
hamari zaat k andar
magar
ye Gum nahi hoti
kise bhe dukh ki sorat main
kabhi koe zarorat main
kabhi anjaan se ghum main
kabhi lehjay ki thandak main
udasi ki zarorat main
kabhi barish ki sorat main
hamari aankh k andar
kabhi aab-e-rawan bankar
kabhi qatray ki sorat main
bazaher aisa lagta hai
usay hum bhool bethay hain
magar
aisa nahi hota
magar aisa nahi hota
ye her giz kum nahi hoti
Muhabbat thehar jati hai